As manifestacións demostran que o movemento social que estivo tras das protestas do ano 2008 mantén a súa capacidade de mobilización: asembleas, iniciativas autoxestionarias, locais sociais, ocupacións de centros de ensino e actividades antirrepresivas, antifascistas e antirracistas veñen enchendo dende hai tempo as rúas das cidades gregas.

Dende a Galiza vemos con enorme simpatía o exemplo das compañeiras e compañeiros da Grecia Libertaria, traballando nunha constelación de grupos anarquistas, centros sociais ocupados, grupos de estudantes e sindicatos anarcosindicalistas, por un fin común.