reganosademolizon

No día de hoje, 10 de Fevereiro de 2010, tanto o web GzVideos.info como o repositório de vídeos "gzvideos.blip.tv" forom atacados, tendo como consequência o borrado total dos materiais audiovisuais da conta , o deterioro e eliminaçom de grande parte dos conteúdos, assi como a provocaçom de falhas no funcionamento do web. Assi pois, o arquivo audiovisual desde 2007 foi completamente eliminado, assi como as URL que apontavam a buscadores, redes sociais e ligaçons externas. A falta de esclarecer a autoría e motivaçom dos factos, a causa mais provável que baralhamos é o usso fraudulento das contas de accesso. No entanto, afirmamos a vontade por repor os vídeos no menos tempo possível em base ao nosso arquivo e disponibilizar o accesso em quanto poidamos. GzVídeos tentará esclarecer os factos o antes possível. Continuaremos o trabalho contra-informativo iniciado em 2007 , por e para os movimentos sociais e colectivos da Galiza, pese a quem lhe pesar. Atençom a próximas actualizaçons.

[ACTUALIZAÇOM DAS 10:30 do 10/02/2010] > Com informaçom verificada, podemos dar os seguintes dados:

- Umha máquina com a I.P 91.117.134.69 (R Telecomunicaçons) e procedente de Vigo a responsável do borrado de vídeos da conta, incluíndo o último que publicamos, assi como a IP a partir da qual se tentou destruir o portal e eliminar os vídeos do web.

- Afortunadamente, a mudança da contrasinal mestra logrou evitar a destruiçom completa do gzvideos.info.

- No referente à conta-repositório de videos, está sendo borrada permanentemente desde a mesma I.P 91.117.134.69, com o qual todos os intentos por re-subir os vídeos estám a ser infrutuosos. É provável que se deva a manter a sessom aberta da conta, com o qual a mudança de contrasinais nom fai efecto.

- Aguardamos a soluçom dos problemas da via do support-service de blip.tv. No entanto, este serviço comunica-nos que desde um mail pessoal esta-se a tentar bloquear a operaçom para recuperar os vídeos. Faremos público este email no casso de nom cesar na fraude.

- Assi mesmo, consta-nos que com data 22/01/2010 um particular registou um outro domínio duplicado para o GzVideos num serviço de hosting. Nom se desbota a possibilidade de existir um intento por clonar fraudulentamente o web num outro domínio previa elminaçom do actual web e dos materiais publicados. Faremos pública a identidade do registante , em possível conexom com os ataques.

- Para finalizar, pedimos de novo desculpas aos/às utentes por nom poderem acceder aos materiais publicados. É evidente que quem borra sistematicamente os vídeo publicados está a atentar contro o próprio projecto do GzVideos e criando notáveis moléstias para todos/as aqueles/as que no seu dia publicarom os materiais nos seus blogues/webs sociais/páginas etc. Por tanto , quem assi opera, nom está tam só a danar o GzVideos, se nom que está a atacar a todos/as as que depositarom no seu dia o seu interese e confiarom na informaçom deste medio.

Seguiremos actualizando conforme se saiba mais.

Gzvideos.info / info@gzvideos.info / gzvideos@gmail.com

[ACTUALIZAÇOM DAS 20:00 do 10/02/2010] GzVideos

Enviado por galizalibertaria el Mié, 02/10/2010 - 21:47.

[ACTUALIZAÇOM DAS 20:00 do 10/02/2010] BOAS NOVAS: informavamos na anterior actualizaçom do borrado de todos os vídeos do web e da eliminaçom do conteúdo da conta gzvideos.blip.tv. Pois bem, os contactos realizados com a empresa Blip.tv permitirom a reactivaçom de todos e cada um dos materiais , inclusso conservando os endereços url de cada video, permitindo assi que todas as ligaçons na rede voltem funcionar. Assi pois, os intentos por borrar do mapa o arquivo audiovisual do GzVídeos forom revertidos.

Desde aquí aproveitamos para pedir desculpas a todos/as os/as utentes e pessoas que ligaram os vídeos nos seus respectivos webs. A página gzvideos.info será reactivada em quanto poidamos reconstruir as entradas borradas e activemos de novo os vídeos que faltavam, algo que será doado tento em conta a conservaçom das url que nos permitiu o contacto pessoal com Blip.Tv.

No entanto, abriremos umha outra conta de seguridade como repositório-extra no casso de volver ter problemas, em especial desde que a I.P 91.117.134.69 de R Telecomunicaçons (Vigo) provocou o ataque .

Por profisionalidade e sentido comúm nom daremos nem o nome do registante de um outro domínio Gzvideos nem a identidade de quem perpetrou o atentado contra um arquivo que nom pertence a GzVideos, se nom à memória colectiva e a todos/as e cada um/umha dos colectivos e entidades que virom plasmadas as suas actividades nos nossos vídeos.

O ataque ao arquivo do GzVideos foi um ataque contra a difusom das actividades de movimentos sociais, associaçons, organizaçons e colectivos, nom contra ninguém em particular, se é que esa era a intençom. A única forma que tem o GzVideos de respostar a esta afrenta vai ser o trabalho diário , mas também a intransigência fronte a actitudes de confrontaçom que nom dubidarom em por em perigo a própria existência de um medio contra-informativo tam necessário coma este por simple egoísmo e interesses alheios ao que representamos.

Vemo-nos em poucas horas, de novo, no GzVideos.info. Apaga a TV, prende a tua mente!